Námsleið í pólskum fræðum við Háskóla Íslands, í samstarfi við Háskólann í Varsjá og NAWA (The National Agency for Academic Exchange), býður upp á röð netfyrirlestra sem helgaðir eru pólsku og evrópsku upplýsingaröldinni. Fyrirlestrarnir fara fram dagana 15. september til 1. október í gegnum Zoom og verða haldnir á ensku af sérfræðingum frá Háskólanum í Varsjá. Fyrirlestrarnir eru öllum opnir og ókeypis.
Í þessum fyrirlestrum er hinn heillandi heimur 18. aldar til umfjöllunar og má þar m.a. nefna sögu Póllands og Evrópu, þróun vísinda á 18. öld, menntun, byggingarlist, málaralist, bókmenntir, leikhús og tónlist og félagsgerð og áskoranir upplýsingaraldarinnar.
Dagskrá og tímasetningar:
-
15. september kl. 15:00–16:30
Fyrirlesari: Dr. Rafał Waszczuk, Sagnfræðideild, Háskólinn í Varsjá.
Efni: Upplýsingaröldin, umbætur og takmarkanir þeirra: Inngangur að stjórnmálasögu Pólska-Litháenska samveldisins 1760–1790.
Smellið hér til að horfa. -
17. september kl. 15:00–16:30
Fyrirlesari: Dr. Katarzyna Wagner, Sagnfræðideild háskólans í Varsjá.
Efni: Síðasti konungur Póllands, velgjörðarmaður lista og vísinda.
Smellið hér til að horfa. -
22. september kl. 15:00–16:30
Fyrirlesari: Dr. Katarzyna Wagner, Sagnfræðideild háskólans í Varsjá.
Efni: Varsjá á tímum upplýsingaraldarinnar.
Smellið hér til að horfa. -
24. september kl. 15:00–16:30
Fyrirlesari: Dr. Agata Wdowik, sérfræðingur hjá culture.pl.
Efni: Bókmenntir pólsku upplýsingaraldarinnar.
Smellið hér til að horfa. -
29. september kl. 15:00–16:30
Fyrirlesari: Dr. Agata Wdowik, sérfræðingur hjá culture.pl.
Efni: Tómstundir og ferðalög Varsjárbúa á 18. öld.
Smellið hér til að horfa. -
1. október kl. 15:00–16:30
Fyrirlesari: Dr. Agata Wdowik, sérfræðingur hjá culture.pl.
Efni: Arfleifð upplýsingaraldarinnar í Póllandi: Sýn 20. og 21. aldar.
Smellið hér til að horfa.
Þessi fyrirlestraröð er hluti af námi í pólskum fræðum við Háskóla Íslands og verkefninu ReyVarstígur – frá Reykjavík til Varsjár: á slóðum pólsku upplýsingarinnar sem er þverfaglegt verkefni þar sem námi og menningu er fléttað saman bæði á Íslandi og í Póllandi.