Þann 14. júní 1941 var Dalia Grinkevičiūtė, 14 ára gömul, meðal þeirra þúsunda íbúa Eystrasaltsríkjanna sem sovésk yfirvöld fluttu nauðuga til Síberíu í þrælkunarvinnu. Bók þessi hefur að geyma minningar hennar frá fyrstu árum útlegðarinnar. Þær eru vitnisburður um þá hryllilegu meðferð sem útlagarnir þurftu að sæta og viðhaldi mennskunnar í ómanneskjulegum kringumstæðum.

Vilma Kinderyté og Geir Sigurðsson þýddu verkið. Geir Sigurðsson skrifaði inngang.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta, Styrktarsjóði Stofnunar Vigdísar Finnbogadóttur og Lithuanian Culture Centre. Ragnar Helgi Ólafsson sá um kápuhönnun. Ritstjóri: Rebekka Þráinsdóttir

Bókin er fáanleg í vefverslun Háskólaútgáfunnar og öllum helstu bókaverslunum.

„Tengsl dýra og manna geta verið jafn flókin og þau sem sameina okkur mannfólkið,“ skrifar Guadalupe Nettel. Í sögunum fimm í Hjónabandi rauðu fiskanna fléttar höfundur örlög manneskjunnar við lífshætti bardagafiska, katta, kakkalakka og fleiri dýra, sem sum hver búa um sig í mannslíkamanum. Nettel (f.1973) er frá Mexíkó og er meðal athyglisverðustu rithöfunda sinnar kynslóðar í Rómönsku- Ameríku.

Kristín Guðrún Jónsdóttir þýddi sögurnar og skrifaði eftirmála.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta og Styrktarsjóði Stofnunar Vigdísar Finnbogadóttur. Ragnar Helgi Ólafsson sá um kápuhönnun. Ritstjóri: Ásdís Rósa Magnúsdóttir.

Bókin er fáanleg í vefverslun Háskólaútgáfunnar og öllum helstu bókaverslunum.

Út er komið hjá Stofnun Vigdísar Finnbogadóttur í erlendum tungumálum rit um tungumála- og menningarlegan fjölbreytileika í tungumálakennsluefni á Norðurlöndunum. Bókin byggir á niðurstöðum rannsóknarverkefnisins SPRoK sem unnið var með þátttakendum frá Íslandi, Færeyjum, Finnlandi og Danmörku með stuðniningi Nordplus á tímabilinu 2018 – 2021. Nánar hér.

Tungumál í víðu samhengi er afmælisrit til heiðurs Birnu Arnbjörnsdóttur, prófessor í annarsmálsfræðum og fyrrum forstöðumanni Stofnunar Vigdísar Finnbogadóttur í erlendum tungumálum, sem kom út í tilefni sjötugsafmælis hennar þann 24. mars 2022.

Ritið, sem er á íslensku og ensku, hefur að geyma greinar eftir samstarfsmenn og nemendur Birnu og tengjast rannsóknum hennar á sviði erfðamála, sambýli tungumála, enskukennslu, tvítyngi, tungumálanámi, kennslufræði erlends og annars máls og tölvustuddu málanámi og -kennslu (CALL).

Í ritinu eru greinar eftir eftirtalda höfunda: Auður Hauksdóttir, Ásdís Rósa Magnúsdóttir, Birna Bjarnadóttir, Branislav Bédi, Geir Sigurðsson, Guðrún Björk Guðsteinsdóttir, Guðrún Theódórsdóttir, Hafdís Ingvarsdóttir, Hólmfríður Garðarsdóttir, Höskuldur Þráinsson, Jóna Guðrún Guðmundsdóttir, Kolbrún Friðriksdóttir, Kristín M. Jóhannsdóttir, Kristján Árnason, Margrét Jónsdóttir, Matthew Whelpton, Michael T. Putnam, Oddný G. Sverrisdóttir, Rebekka Þráinsdóttir, Sigríður Magnúsdóttir, Sigríður Sigurjónsdóttir, Sofiya Zahova, Súsanna B. Vilhjálmsdóttir, Úlfar Bragason, Veturliði Óskarsson, Þórhallur Eyþórsson og Þórhildur Oddsdóttir.

Ritið er gefið út af Stofnun Vigdísar Finnbogadóttur í erlendum tungumálum. Halldóra Jóhanna Þorláksdóttir sá um kápuhönnun. Ritstjórar: Branislav Bédi, Halldóra Jóhanna Þorláksdóttir og Kolbrún Friðriksdóttir.

Rafræna útgáfu ritsins er hægt að sækja hér.

W.D. Valgardsson, David Arnason og Kristjana Gunnars hafa með  margvíslegum hætti tekið þátt í að móta ímynd íslenska frændgarðsins í Kanada en eru þó fyrst og fremst kanadískir höfundar. Þau hafa vakið verðskuldaða athygli í Kanada og víðar fyrir skáldverk sín, ekki síst smásögur sínar. Þessir höfundar eru ólíkir innbyrðis og með sögum sínum veita þau innsýn í margbreytilegt líf og hugsun vestan hafs. Um leið upplýsa sögurnar í bókinni lesendur um mikilvægi og grósku smásagnahefðarinnar í Kanda. 

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta, Styrktarsjóði Stofnunar Vigdísar Finnbogadóttur og Sjóði Páls Guðmundssonar frá Rjúpnafelli. Guðrún Björk Guðsteinsdóttir þýddi sögurnar og skrifaði inngang. Birna Bjarnadóttir ritstýrði. Nánar á vef Háskólaútgáfunnar.

Einungis tvítugur að aldri steig Hannes Hafstein fram sem nýtt afl í íslenskum skáldskap. Ljóð hans þóttu einkennast af krafti, raunsæi og hispursleysi sem hristi upp í viðtekinni skáldskapartjáningu. En í þeim búa einnig innri átök sem settu á sinn hátt svip á feril hans sem stjórnmálamanns og fyrsta ráðherra Íslands í byrjun 20. aldar; spennu milli einstaklingsfrelsis og samfélagsábyrgðar og á milli alþjóðlegrar nútímavæðingar og rótgróinna tengsla við ættjörðina. Það úrval ljóða Hannesar sem birtist í þessari tvímála bók, á frummálinu og í enskum þýðingum, endurspeglar fjölbreytnina í skáldskap hans sem mótast með ýmsum hætti af ólgu tilfinningaverunnar andspænis náttúrunni, samskiptum kynjanna, íslenskri sögu og þjóðfélagi á tímamótum. 

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Hollvinafélagi Hannesarholts og Styrktarsjóði Stofnunar Vigdísar Finnbogadóttur. Júlían Meldon D'Arcy og Ástráður Eysteinsson þýddu ljóðin og Ástráður skrifaði jafnframt inngang að verkinu. Birna Bjarnadóttir ritstýrði. Bókin er fáanleg í vefverslun Háskólaútgáfunnar og öllum helstu bókaverslunum.

Smárit Stofnunar Vigdísar Finnbogadóttur í erlendum tungumálum er ný ritröð stofnunarinnar sem gefin er út af Háskólaútgáfunni. Hér er á ferðinni ný ritröð sem ætlað er að miðla alls kyns fróðleik um ólíka menningarheima og hugsun. Verkin eru ýmist frumsamin eða þýdd.

Í fyrstu þremur ritunum er að finna þýddar ritgerðir eftir þrjá höfunda. Fyrsta ritið er eftir Kínafræðinginn Simon Leys og nefnist Úr Gagnleysisskálanum – Esseyjur um Kína í þýðingu Geirs Sigurðssonar. Annað ritið er eftir danska heimspekinginn og guðfræðinginn Dorthe Jørgensen og nefnist Hvers vegna hræðumst við ímyndunaraflið? – Af siðaskiptum og fagurfræði, í þýðingu Gísla Magnússonar. Þriðja ritið er eftir fransk-marokkóska rithöfundinn og blaðakonuna Leïla Slimani og kallast Kynlíf, nauðung og lygar í Marokkó, í þýðingu Irmu Erlingsdóttur.

Smáritin eru gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta, Danska listasjóðnum og Styrktarsjóði Stofnunar Vigdísar Finnbogadóttur. Valgerður Jónasdóttir sá um kápuhönnun.

Ritstjórar: Ásdís Rósa Magnúsdóttir og Kristín Guðrún Jónsdóttir.

Smárit Stofnunar Vigdísar Finnbogadóttur eru fáanleg í vefverslun Háskólaútgáfunnar og öllum helstu bókaverslunum.

Sögur Belkíns eftir rússneska þjóðskáldið Aleksander Púshkín. Sögur Belkíns er safn fimm stuttra sagna sem eignaðar eru hinum dularfulla Belkín, þar sem brugðið er á leik með þekkt stef, s.s. rómantíska hetju, draugasöguna, hugljúfar ástir og óvænt endalok. Sögurnar eru fullar lífsgleði, glettni og umhyggju fyrir sögupersónum og höfðu sumar ófyrirséð áhrif á rússneskar bókmenntir.

Rebekka Þráinsdóttir þýddi sögurnar og ritaði eftirmála þar sem fjallað er um ævi og verk Púshkíns og Sögur Belkíns settar í sögu- og bókmenntalegt samhengi.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta og Styrktarsjóði Stofnunar Vigdísar Finnbogadóttur. Ragnar Helgi Ólafsson sá um kápuhönnun.

Ritstjóri: Kristín Guðrún Jónsdóttir. Bókin er fáanleg í vefverslun Háskólaútgáfunnar og öllum helstu bókaverslunum.

Í Fríðu og Dýrinu er að finna úrval stuttra franskra bókmenntatexta  frá 12. til 18. aldar: ljóðsögur, fábyljur, dæmisögur, heimspekisögur, ævintýri, smásögur. Verkin eru eftir konur og karla og sýna fjölbreytni og grósku í ritun stuttra texta á þessu langa tímabili. Sögurnar eru af ólíkum toga, broslegar, háðskar, alvarlegar, siðbætandi, úr heimi ævintýrisins eða harmsögunnar, og veita forvitnilega innsýn í þann menningarheim sem þær spretta úr. Meðal höfunda eru Marie de France, Jean Bodel, Nicole Bozon, Bonaventure des Périers, Marguerite de Navarre, Madame de Lafayette, Madame d’Aulnoy, Charles Perrault, François Fénelon, Madame Leprince de Beaumont, Voltaire og Madame de Staël.

Ásdís R. Magnúsdóttir þýddi sögurnar úr frönsku og skrifaði inngang þar sem rakin er saga stuttra texta í Frakklandi á því tímabili sem bókin nær yfir og fjallað um helstu einkenni þeirrar bókmenntahefðar sem þau tilheyra.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta og Styrktarsjóði Stofnunar Vigdísar Finnbogadóttur. Ragnar Helgi Ólafsson sá um kápuhönnun.

Ritstjóri: Kristín Guðrún Jónsdóttir.

Bókin er fáanleg í vefverslun Háskólaútgáfunnar og öllum helstu bókaverslunum.

Á fjarlægum ströndum – Tengsl Spánar og Íslands í tímans er safn greina eftir fjórtán höfunda. Víða er komið við í samskiptasögu landanna og má finna margt forvitnilegt sem hefur tengt löndin allt fram á okkar daga. Ásdís Egilsdóttir og Erlendur Sveinsson fjalla um ferðir Íslendinga um Jakobsveginn fyrr og síðar, en við sögu koma m.a. Hrafn Sveinbjarnarson og Thor Vilhjálmsson. Már Jónsson segir frá hvalveiðum Spánverja við strendur Íslands á 17. öld og Baskavígunum svokölluðu og Ragnheiður Mósesdóttir rekur samskipti íslenskrar konu og spænsk hvalfangara sem kom til Íslands á þeim tíma. Stefán Svavarsson tekur fyrir viðskipti með saltfisk og vín og Róbert Sigurðarson gerir grein fyrir þátttöku Íslendinga í spænsku borgarastyrjöldinni. Þórarinn Sigurbergsson segir frá íslenskum tónlistarmönnum sem hafa farið til Spánar í gítarnám og Erla Erlendsdóttir og Karl Jóhannsson taka saman yfirlit um upphaf sólarlandaferða Íslendinga. Kristín Guðrún Jónsdóttir rekur sögu spænskra bókmenntaverka sem hafa verið þýdd á íslensku og Enrique Bernárdez, helsti þýðandi íslenskra bókmennta á spænsku, segir frá þýðingum íslenskra bókmenntaverka á spænsku. Núria Frías fylgir úr hlaði með skrá yfir þessi þýddu verk. Sigrún Á. Eiríksdóttir gerir sögu spænskukennslu á Íslandi skil og Erla fjallar um spænsk tökuorð í íslensku og íslensk tökuorð í spænsku. Matthew Driscoll greinir frá merkum spænskum handritum í safni Árna Magnússonar; einnig er sagt frá íslenskum handritum sem geyma sögur af landafundum Spánverja í Vesturheimi. Í bókarlok eru minningarbrot Íslendinga sem hafa dvalið lengri eða skemmri tíma á Spáni á fyrri hluta síðustu aldar og Spánverja sem hafa búið á Íslandi til lengri tíma.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta. Ragnar Helgi Ólafsson sá um kápuhönnun.

Ritstjórar: Erla Erlendsdóttir og Kristín Guðrún Jónsdóttir.

Bókin er fáanleg hjá Háskólaútgáfunni og í öllum helstu bókaverslunum.

Smásagnasafnið Sunnudagsmatur og fleiri sögur Rómafólks er áttunda verkið sem kemur út í einmála ritröð Stofnunar Vigdísar Finnbogadóttur í erlendum tungumálum og hefur að geyma smásögur eftir sex rithöfunda frá 20. og 21. öld: Georgí Tsvetkov, Ilonu Ferková, Jess Smith, Jorge Emilio Nedich, Jovan Nikolić og Matéo Maximoff. Verk þeirra eru fjölbreytileg og samin á ólíkum tungumálum en þeir sækja allir í sama menningarbrunn.

Sofiya Zahova, sérfræðingur í menningu og bókmenntum Rómafólks og Sígauna, valdi sögurnar sem eru frá Argentínu, Frakklandi, Rússlandi, Serbíu, Skotlandi og Tékklandi. Bókmenntir Rómafólks og Sígauna eru lítt þekktar hér á landi. Þær eru gjarnan nátengdar munnmælahefð og endurminningum. Verkin voru valin með það í huga að gefa sem fjölbreyttasta mynd af smásögum rómískra rithöfunda. Sofiya Zahova og Ásdís Rósa Magnúsdóttir rita inngang bókarinnar þar sem saga rómískra bókmennta er rakin og sagt frá helstu einkennum þeirra. Málvísindamaðurinn Ian Hancock skrifar eftirmála en hann er þekktur talsmaður Rómafólks og Sígauna og hefur gefið út ýmis rit um sögu þeirra og bókmenntir.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta og Styrktarsjóði Stofnunar Vigdísar Finnbogadóttur í erlendum tungumálum. Ragnar Helgi Ólafsson sá um kápuhönnun.

Þýðendur: Renata Emilsson Peskova, Rebekka Þráinsdóttir, Irena Guðrún Kojic, Kristín Guðrún Jónsdóttir og Ásdís Rósa Magnúsdóttir.
Ritstjórar: Sofiya Zahova, Kristín Guðrún Jónsdóttir og Ásdís Rósa Magnúsdóttir.

Bókin er fáanleg hjá Háskólaútgáfunni og í öllum helstu bókaverslunum.

Afmælisrit Auðar Hauksdóttur, fyrrum prófessors í dönsku og forstöðumanns Stofnunar Vigdísar Finnbogadóttur í erlendum tungumálum, kom út í tilefni sjötugsafmælis hennar vorið 2020.

Eftirtaldir höfundar rituðu greinar í ritið, sem er á íslensku, dönsku og ensku: Anne Holmen, Birgit Henriksen, Birna Arnbjörnsdóttir, Oddný G. Sverrisdóttir, Þórhildur Oddsdóttir, Peter Juel Henrichsen, Erla Erlendsdóttir, Guðmundur Hálfdanarson, Ann-Sofie N. Gremaud, Sofiya Zahova, Birna Bjarnadóttir og Ásdís R. Magnúsdóttir.

Ritið er gefið út af Stofnun Vigdísar Finnbogadóttur í erlendum tungumálum og hægt að hlaða niður rafrænni útgáfu þess hér. Valgerður Jónasdóttir sá um kápuhönnun.

Ritstjóri: Gísli Magnússon.

Örsagan á sér langa hefð í álfunni og sýnir bókin gróskuna og fjölbreytileikann sem hún hefur öðlast í meðförum rithöfunda álfunnar. Bókin Við kvikuna – örsögur frá Rómönsku-Ameríku er sýnisbók og geymir alls kyns sögur. Oft er stutt í húmorinn, háðið og fantasíuna, stundum vilja sögurnar bíta og koma við kvikuna. Í Hugvarpi – hlaðvarpi Hugvísindasviðs Háskóla Íslands má fá nasasjón af örsögum bókarinnar. Þær eru 156 talsins eftir 49 höfunda frá Rómönsku-Ameríku, sú elsta er frá 1893 og sú yngsta frá 2014.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfan sér um dreifingu hennar.

Kristín Guðrún Jónsdóttir valdi sögurnar, þýddi og skrifaði inngang.
Ritstjóri: Ásdís R. Magnúsdóttir. Ritnefnd Stofnunar Vigdísar Finnbogadóttur í erlendum tungumálum: Ásdís R. Magnúsdóttir og Rebekka Þráinsdóttir

Bókin er fáanleg hjá Háskólaútgáfunni og í öllum helstu bókaverslunum.

Hernaðarlist Meistara Sun, eða á frummálinu Sunzi bingfa 孫子兵法, er eitt rómaðasta og víðlesnasta fornrit Kínverja. Bein áhrif þess á hernaðartækni Kínverja og þjóðanna í kring í tímanna rás verða vart ofmetin. Inntak ritsins endurspeglar einnig almennari „strategíska“ hugsun Kínverja sem beitt hefur verið á fjölmörgum sviðum daglegs lífs, til dæmis í stjórnmálum, viðskiptum og jafnvel kænskubrögðum sem tengjast ástum.

Þýðing Geirs Sigurðssonar sem hér birtist er fyrsta íslenska þýðingin úr fornkínversku og er frumtextinn birtur við hlið þýðingarinnar. Við þýðinguna hefur Geir ritað fjölmargar skýringar og ítarlegan inngang sem setur ritið í sögulegt samhengi og gerir grein fyrir heimspekinni sem bæði birtist og leynist í textanum.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni og styrkt af Miðstöð íslenskra bókmennta. Ragnar Helgi Ólafsson sá um kápuhönnun.

Þýðandi: Geir Sigurðsson.
Ritstjóri: Rebekka Þráinsdóttir.

Bókin er fáanleg hjá Háskólaútgáfunni og í öllum helstu bókaverslunum.

Guðbergur Bergsson er lykilhöfundur íslenskra nútímabókmennta, einn af merkari höfundum Evrópu og einn mikilhæfasti þýðandi heimsbókmennta á íslensku. Bókin Heiman og heim geymir sýn erlendra og innlendra skálda, rithöfunda, myndlistarmanna, þýðenda og fræðimanna á sköpunarverk Guðbergs. Hún byggir að stórum hluta á erindum sem flutt voru honum til heiðurs á alþjóðlegu málþingi í Hátíðarsal Háskóla Íslands 1. júní 2013 og við veitingu heiðursdoktorsnafnbótar þann sama dag. Hér birtist einnig æviágrip Guðbergs Bergssonar og fáeinar ljósmyndir úr lífi hans, þökk sé Guðbergsstofu, safni um líf og feril Guðbergs.

Höfundar greina eru Eric Boury, Hans Brückner, Ármann Jakobsson, Enrique Bernárdez, Erik Skyum-Nielsen, Massimo Rizzante, Birna Bjarnadóttir, Colm Tóibín og Ástráður Eysteinsson. Að auki geymir bókin viðtal Kristínar Ómarsdóttur við Guðberg Bergsson og smásögu eftir Luísa Costa Gomes.

Bókin er gefin út af Hinu íslenska bókmenntafélagi og Stofnun Vigdísar Finnbogadóttur í erlendum tungumálum.

Ritstjóri: Birna Bjarnadóttir.

Út er komin í enskri þýðingu Megan Matich, bókin Tungumál ljúka upp heimum – Orð handa Vigdísi, undir heitinu Languages Open Up Worlds – Words for Vigdís, en árið 2018 kom hún út í danskri þýðingu. Bækurnar koma nú allar þrjár út með nýrri og glæsilegri kápuhönnun Ragnars Helga Ólafssonar.

Bókin hefur að geyma hugleiðingar 27 íslenskra rithöfunda um tungumál. Textarnir eru ólíkir að gerð og lengd en fjalla um erlendar tungur og tungumálakunnáttu frá ýmsum sjónarhornum. Bókin var fyrst gefin út árið 2010 á áttatíu ára afmæli Vigdísar Finnbogadóttur og þegar 30 ár voru liðin frá sögufrægu forsetakjöri hennar. Með þessu vildu rithöfundar heiðra Vigdísi á merkum tímamótum og leggja sitt af mörkum svo að draumur hennar um Alþjóðlega tungumálamiðstöð gæti ræst. Bókin var endurútgefin á frummálinu í tilefni af opnun Vigdísarstofnunar og vígslu Veraldar 20. apríl 2017. Efnisyfirlit bókarinnar á íslensku má sjá hér.

Bókin fæst í íslenskri, enskri og danskri útgáfu, í Veröld – húsi Vigdísar. Tekið er á móti pöntunum í gegnum netfangið infovigdis@hi.is.

Ritstjóri: Ásdís Rósa Magnúsdóttir.

Í bókinni Hafið starfar í þögn minni: Þýðingar á ljóðum eftir Pablo Neruda er að finna, í tvímála útgáfu, heildarsafn þýðinga – af spænsku á íslensku – á ljóðum eftir síleska ljóðskáldið Pablo Neruda (1904-1973), sem hlaut Nóbelsverðlaun í bókmenntum árið 1971. Í ljóðasafninu birtast þýðingar á 40 ljóðum og ljóðabálkum eftir Neruda, sem 18 þýðendur hafa snúið á íslensku. Þetta er í fyrsta sinn sem umrædd ljóð koma út í heildstæðu ljóðasafni og er markmiðið að gera þau aðgengileg öllum þeim fjölmörgu sem áhuga hafa á ljóðlist, ljóðagerð Neruda, íslenskum þýðingum á verkum hans og ekki hvað síst þýðinga- og fagurfræði. Ekki er um frumþýðingar að ræða, heldur endurútgáfu ljóðaþýðinga sem margar hverjar birtust fyrir margt löngu og ekki eru aðgengilegar almenningi. Með hverju ljóði kemur fram hvar og hvenær þau komu út, bæði á frummálinu og í þýðingu.

Í bókinni er enn fremur að finna almennan inngang um ævi og störf Neruda sem Hólmfríður Garðarsdóttir ritar og þýðingu á grein eftir Edwin Williamson, prófessor við Exeter College í Oxford, um ljóðagerð Neruda. Grein Willamsons ber yfirskriftina „Remembering Pablo Neruda“. Sigrún Á. Eiríksdóttir íslenskar. Í grein sinni fjallar Williamson um efnistök og áherslu í nokkrum af þekktustu ljóðasöfnum Neruda. Bæði gera Willamson og Hólmfríður ljóðagerð skáldsins og sérkenni hans sem ljóðskálds að sérstöku umtalsefni og velta fyrir sér hlutverki Neruda í bókmenntasögu Rómönsku Ameríku. Sérstök áhersla er lögð á það hvernig uppvaxtarár skáldsins í Síle fylgja honum alla tíð og hvernig ástin og átökin sem móta viðburðaríka tilveru hans flettast með táknrænum hætti utan um þann stofn sem uppvaxtarárin mynda.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni en útgáfan var styrkt af Miðstöð íslenskra bókmennta og Styrktarsjóði Stofnunar Vigdísar Finnbogadóttur í erlendum tungumálum. Ragnar Helgi Ólafsson sá um kápuhönnun.

Ritstjóri: Hólmfríður Garðarsdóttir.

Bókin er fáanleg hjá Háskólaútgáfunni og í öllum helstu bókaverslunum.

Í smásagnasafninu Raddir frá Spáni eru sögur eftir tuttugu og sex spænskar konur. Rithöfundarnir koma frá héruðum á meginlandi Spánar og frá Kanarí- og Baleareyjum. Smásögurnar – langar sögur og stuttar, örstuttar sögur og örsögur – spanna rúma öld og eru fjölbreyttar að efni og stíl. Þær fjalla um ástir og hatur, gleði og sorg, misrétti og ójöfnuð, vináttu og fjandskap, konur og karla, stöðu kvenna í samfélaginu og margt fleira.

Útgáfan er styrkt af Styrktarsjóði Stofnunar Vigdísar Finnbogadóttur í erlendum tungumálum, Miðstöð íslenskra bókmennta og Rannsóknasjóði Hugvísindastofnunar. Útgefandi er Stofnun Vigdísar Finnbogadóttur í erlendum tungumálum en Háskólaútgáfan sá um dreifingu. Valgerður Jónasdóttir sá um kápuhönnun.

Erla Erlendsdóttir valdi sögurnar, þýddi og skrifaði inngang.
Ritstjóri: Ásdís Rósa Magnúsdóttir.

Bókin er fáanleg hjá Háskólaútgáfunni og í öllum helstu bókaverslunum.

Bókin hefur að geyma hugleiðingar 27 íslenskra rithöfunda um tungumál. Textarnir eru ólíkir að gerð og lengd en fjalla um erlendar tungur og tungumálakunnáttu frá ýmsum sjónarhornum. Hér er um að ræða danska þýðingu á bókinni Tungumál ljúka upp heimum – Orð handa Vigdísi sem kom út árið 2010, á áttatíu ára afmæli Vigdísar Finnbogadóttur og þegar 30 ár voru liðin frá sögufrægu forsetakjöri hennar. Með þessu vildu rithöfundar heiðra Vigdísi á merkum tímamótum og leggja sitt af mörkum svo að draumur hennar um Alþjóðlega tungumálamiðstöð gæti ræst. Bókin var endurútgefin á frummálinu í tilefni af opnun Vigdísarstofnunar og vígslu Veraldar 20. apríl 2017. Efnisyfirlit bókarinn á íslensku má sjá hér.

Bókin fæst, jafnt í íslenskri sem danskri útgáfu, í Veröld – húsi Vigdísar og kostar 4.500 kr. Einnig er tekið á móti pöntunum í gegnum netfangið infovigdis@hi.is.

Ritstjóri: Auður Hauksdóttir.

Smásagnaritun hefur verið mikilvæg í löndum Rómönsku-Ameríku alla 20. öldina og fram á okkar daga, ekki síst í Mexíkó en þaðan koma margir af helstu rithöfundum álfunnar. Í bókinni Heimar mætast – smásögur frá Mexíkó eru sextán smásögur eftir sextán höfunda og spanna tímabilið frá 1952 til 2009. Þær veita innsýn í hið fjölbreytta mannlíf í Mexíkó þar sem ólíkir menningarheimar og ólíkir tímar mætast.

Í bókinni eru sögur eftirtalinna höfunda: Juan de la Cabada, Juan José Arreola, Juan Rulfo, Carlos Fuentes, Inés Arredondo, Elena Garro, José Emilio Pacheco, Rosario Castellaños, Elena Poniatowska, Hernán Lara Zavala, Silvia Molina, Guillermo Samperio, Ángeles Mastretta, Rosario Sanmiguel, Eduardo Antonio Parra og Cristina Rivera Garza.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni. Valgerður Jónasdóttir sá um kápuhönnun.

Kristín Guðrún Jónsdóttir valdi sögurnar, þýddi og skrifaði inngang.
Ritstjóri: Erla Erlendsdóttir.

Pétur Knútsson (Peter Ridgewell) lét af störfum sínum sem dósent í enskum málvísindum við Deild erlendra tungumála, bókmennta og málvísinda í Háskóla Íslands haustið 2012 eftir 34 ár í starfi. Pétri til heiðurs og sem þakkarvottur fyrir frábæra samvinnu og samveru ákváðu samstarfsmenn hans að gefa út rit þar sem kæmu saman fræðigreinar sem tengdust þeim margvíslegu fræðasviðum sem hann hefur sinnt.

Ritið er gefið út af Stofnun Vigdísar Finnbogadóttur í erlendum tungumálum og Háskólaútgáfunni, með liðsinni Málvísindastofnunar.

Ritstjórar: Matthew Whelpton, Guðrún Björk Guðsteinsdóttir, Birna Arnbjörnsdóttir og Martin Regal.

Ráðstefnurit frá Ráðstefnu norrænna rómanista í Reykjavík 2014, XIXème Congrès des romanistes scandinaves, Université de Islande, du 12 au 15 août 2014.

Ritstjóri: Sigrún Á. Eiríksdóttir.

Vefútgáfa af ritinu.

Albert Camus var einn af þekktustu rithöfundum Frakka á 20. öld. Hann hóf rithöfundarferil sinn sem blaðamaður og ritgerðasmiður og fyrsta útgefna verk hans var ritgerðasafnið Rangan og réttan (L’envers et l’endroit) sem kom út í Algeirsborg árið 1937. Brúðkaup (Noces) kom út tveimur árum síðar en Sumar (L’été) árið 1954. Í þessum þremur ritgerðasöfnum sem hér birtast í íslenskri þýðingu má finna skáldlegustu skrif Camus. Þar fléttar höfundurinn saman endurminningar og hugleiðingar um manninn og veröldina sem hann er hluti af.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni. Útgáfan er styrkt af Miðstöð íslenskra bókmennta og Hugvísindastofnun.

Þýðandi: Ásdís R. Magnúsdóttir.
Ritstjóri: Rebekka Þráinsdóttir.

Latína er list mæt er úrval greina Sigurðar Péturssonar um latínumenntir Íslendinga á tímabilinu 1550–1800. Í bókinni er fjallað um fjölda latneskra kvæða eftir íslenska höfunda og allnokkur kvæði birt í tvímála útgáfum ásamt umfjöllun og skýringum. Rætt er um nám í latneskri málfræði, latínumenntun kvenna, þýðingu latínukunnáttu í embættiskerfi fyrri alda, klassísk stef í meðförum íslenskra skálda og aðlögun latneskra bókmenntaforma að íslenskum veruleika. Bókinni fylgir kvæðaskráin Index carminum ab Islandis latine compositorum sem geymir brag- og bókfræðilegar upplýsingar um latínukvæði íslenskra skálda í aldanna rás.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni, en útgáfa hennar var styrkt af Styrktarsjóði Stofnunar Vigdísar Finnbogadóttur, Miðstöð íslenskra bókmennta og Rannsóknasjóði Hugvísindastofnunar.

Ritstjórar: Gunnar Marel Hinriksson og Hjalti Snær Ægisson.

Melitta Urbancic, fædd Grünbaum (1902-1984) leitaði hælis á Íslandi árið 1938 ásamt eiginmanni sínum, tónvísindamanninum, tónskáldinu og hljómsveitarstjóranum Victor Urbancic (1903-1958) og börnum þeirra. Fjölskyldan fluttist hingað frá heimalandinu, Austurríki, eftir valdatöku nasista, en Melitta var af gyðingaættum. Bæði hafa þau markað varanleg spor í menningarlíf Íslendinga.

Í ljóðabókinni Vom Rand der Welt skrifar Melitta Urbancic um reynslu sína af útlegðinni á Íslandi en bókin kemur nú út í fyrsta sinn. Útgáfan er á þýsku og íslensku, með ítarlegum eftirmála um ævi og verk Melittu eftir Gauta Kristmannsson. Melitta má heita óþekkt sem höfundur nema meðal þeirra sem hafa rannsakað verk fólks í útlegð. Engu að síður er framlag hennar á sviði ljóðlistar, bréfaskrifta, þýðinga og menningarlegra samskipta landanna tveggja verulegt, að ógleymdu frumkvæði hennar á sviði býflugnaræktar á Íslandi.

Melitta Urbancic lagði stund á heimspeki og germönsk málvísindi við háskólann í Vínarborg og Ruprecht-Karls háskólann í Heidelberg. Hún lauk doktorsgráðu í Heidelberg með rannsókn sinni á verkum skáldsins Christian Dietrich Grabbe. Meðfram háskólanáminu stefndi hún á feril sem leikkona og fékk fyrsta ráðningarsamning sinn við leikhúsið í Koblenz undir listamannsnafninu Makarska. Hún hafði einnig áhuga á sviðum leikstjórnar og leikbókmennta. Ferill hennar sem listakona tók snöggan enda vegna ofsókna nasista, hún flúði til Íslands og sneri ekki til baka til Austurríkis eftir lok stríðsins 1945. Á Íslandi starfaði Melitta við tungumálakennslu, bæði í MR og sem einkakennari heima fyrir.

Bókin er gefin út af Stofnun Vigdísar Finnbogadóttur og Háskólaútgáfunni. Útgáfan er styrkt af Miðstöð íslenskra bókmennta og Mannréttindaráði Íslands.

Þýðandi: Sölvi Björn Sigurðsson.

Morð í dómkirkju er vinsælasta leikrit T.S. Eliots, eins þekktasta ljóðskálds tuttugustu aldar. Leikritið var fyrst sett upp árið 1935 í Kantaraborg í Englandi og fjallar um píslarvætti Tómasar Beckets erkibiskups sem var veginn í dómkirkjunni í Kantaraborg 29. desember árið 1170.

Íslensk þýðing Karls J. Guðmundssonar er hér birt í fyrsta skipti í heild sinni við hlið enska frumtextans. Í inngangi að leikritinu er fjallað um ævi Eliots, hugmyndir hans um ljóðaleikritun, tilurð verksins, sögulegan bakgrunn þess og fleira því tengt. Í sérstökum bókarauka hefur ritstjóri verksins sett saman spurningar og verkefni til að nota í kennslu leikritsins á framhaldsskólastigi.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni.

Þýðandi: Karl J. Guðmundsson.
Ritstjóri bókarinnar: Ingibjörg Ágústsdóttir.

Bókin Yfir saltan mar kemur út í tvímála ritröð stofnunarinnar og í henni er að finna safn þýðinga á ljóðum argentínska ljóðskáldsins, rithöfundarins og Íslandsvinarins Jorge Luis Borges. Þýðingarnar hafa áður birst í blöðum og tímaritum og er þetta í fyrsta sinn sem þær eru teknar saman og gefnar út í heild sinni.

Fjölmargir þýðendur hafa fengist við að snúa ljóðum Borgesar á íslensku og hafa sum ljóðin verið þýdd oftar en einu sinni. Lesendum gefst færi á að bera saman ólíkar þýðingar á sama texta. Ljóðaþýðingunum er fylgt úr hlaði með inngagni um ævi og yrkisefni Borgesar. Í bókinni er ennfremur að finna áður óbirta smásögu eftir Matthías Johannessen.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni.

Ritstjórar: Hólmfríður Garðarsóttir og Sigrún Á. Eiríksdóttir.

Þema fjórða heftis Milli mála er tungumál frá ýmsum sjónarhornum og eru greinarnar skrifaðar á íslensku, ensku, ítölsku, norsku, spænsku og þýsku. Í tímaritinu eru einnig nokkrar þýðingar af erlendum málum á íslensku.

Þeir fræðimenn Stofnunar Vigdísar Finnbogadóttur sem eiga greinar í tímaritinu Milli mála eru Birna Arnbjörnsdóttir, prófessor í annarsmálsfræðum, Erla Erlendsdóttir, dósent í spænsku, Gro-Tove Sandsmark, sendikennari í norsku, Hafdís Ingvarsdóttir, prófessor í menntunarfræðum, Jessica Guse, sendikennari í þýsku, Oddný G. Sverrisdóttir, prófessor í þýsku, Pétur Knútsson, dósent emeritus í ensku, Stefano Rosatti, aðjunkt í ítölsku, Þórhallur Eyþórsson fræðimaður og Þórhildur Oddsdóttir, aðjunkt í dönsku. Þýðingar í heftinu eiga Ásdís R. Magnúsdóttir, prófessor í frönskum fræðum, Ásta Ingibjartsdóttir, aðjunkt í frönskum fræðum, Hólmfríður Garðarsdóttir, prófessor í spænsku, og Rebekka Þráinsdóttir, aðjunkt í rússnesku.

Útgáfa tímaritsins var fjármögnuð af Styrktarsjóði Stofnunar Vigdísar Finnbogadóttur og Rannsóknasjóði Hugvísindastofnunar. Tímaritið er aðgengilegt á vefsíðu Milli mála.

Ritstjórar: Ásdís R. Magnúsdóttir og Sigrún Á. Eiriksdóttir.

Viðbrögð úr Víðsjá er safn ritdóma um íslenskar bækur eftir Gauta Kristmannsson. Þótt byggt sé á útvarpsritdómunum hafa þeir allir verið endurskoðaðir og auknir. Ekki var reynt að binda valið við  höfunda heldur farin sú leið að taka fremur bestu pistlana og láta tilviljun ráða um hvaða bækur væri fjallað, rétt eins og kaupin gerast á eyrinni þegar gagnrýnendur fá bækur í hendur. Valið endurspeglar því ekki smekk höfundar heldur fyrst og fremst forvitnilegustu pistlana. Hér er komin bók um bókmenntir eins og þeirra er best notið, bók fyrir bók.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni.

Höfundur: Gauti Kristmannsson.

Rekferðalangurinn styðst hvorki við kortabækur né leiðartæki því að áfangastaðirnir ráðast af straumum og sjávarföllum. Rekferðir eru án fyrirheits, leið til þess að skoða veruleikann út frá óvænt- um sjónarhornum. Enda storka þær túlkandanum ekki síður en lesendum og ganga oft gegn fyrirfram mótuðum merkingarkerfum. Í nýstárlegri og ögrandi menningargreiningu tekur Guðni Elísson saman hugleiðingar sínar um góðærisárin. Hann fjallar um útrás og frjálshyggju, eggjárnafagurfræði, einelti, neyslu og forseta lýðveldisins. Hann ver borgaralega óhlýðni á einhuga tímum og týnir sér í áleitnum hugleiðingum um mávastell, skötuát, skyggnilýsingar, súludansmeyjar, slagsmál á Austurvelli og eitthundraðprósent listamannssaur.

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni.

Höfundur: Guðni Elísson.

Í þessari tvímála ljóðabók yrkir skáldið Jónas Þorbjarnarson sig frá einum stað til annars. Hann fer í bakarí í Brussel, röltir um Reykjavík og tjaldar á Langanesi. Smám saman birtist ljóðalandakort sem vekur spurningar með lesandanum um staðina í lífinu. Hvar endum við og hvar byrja þeir staðir sem skipta okkur máli?

Bókin er gefin út af Stofnun Vigdísar Finnbogadóttur í erlendum tungumálum og Háskólaútgáfunni. Útgáfa bókarinnar hlaut styrk frá Styrktarsjóði Stofnunar Vigdísar Finnbogadóttur og forlagi skáldsins, JPV útgáfu, sem gaf leyfi til þess að birta þessa ljóðabók hans í tvímála útgáfu á ensku og íslensku.

Þýðendur: Ástráður Eysteinsson og Julian Meldon D’Arcy.

Annar árgangur tímaritsins Milli mála er helgaður þýðingum. Í heftinu eru greinar eftir tólf fræðimenn Stofnunar Vigdísar Finnbogadóttur og kennara í Deild erlendra tungumála, bókmennta og málvísinda og í Uppeldis- og menntunarfræðideild Háskóla Íslands. Sex greinanna fjalla á einn eða annan hátt um þýðingar og auk þess eru sex greinar um annað efni. Höfundum er gefinn kostur á að skrifa á móður- eða kennslumáli sínu og að þessu sinni eru birtar greinar á íslensku, dönsku, ensku og frönsku.

Stofnun Vigdísar Finnbogadóttur í erlendum tungumálum gefur tímaritið út.

Ritstjórar: Erla Erlendsdóttir og Rebekka Þráinsdóttir.

Í tilefni af merkum tímamótum í lífi Vigdísar skrifuðu 27 íslenskir rithöfundar texta um mikilvægi tungumálakunnáttu fyrir Íslendinga. Með bókinni vilja þeir leggja Vigdísi lið í baráttu hennar fyrir því að Alþjóðleg tungumálamiðstöð geti orðið að veruleika. Hér er á ferðinni afar litríkir, fróðlegir og áhugaverðir textir, sem með ólíkum hætti varpa ljósi á gildi tungumála fyrir einstaklinga og þjóðfélagið í heild.

Rithöfundarnir eru: Andri Snær Magnason, Auður Jónsdóttir, Auður Ava Ólafsdóttir, Árni Bergmann, Bragi Ólafsson, Einar Már Guðmundsson, Eiríkur Guðmundsson, Eiríkur Örn Norðdahl, Friðrik Rafnsson, Gerður Kristný, Guðbergur Bergsson, Guðrún Eva Mínervudóttir, Hermann Stefánsson, Jón Kalman Stefánsson, Kristín Ómarsdóttir, Kristín Marja Baldursdóttir, Matthías Johannessen, Njörður P. Njarðvík, Oddný Eir Ævarsdóttir, Pétur Gunnarsson, Rúnar Helgi Vignisson, Sigurbjörg Þrastardóttir, Sigurður Pálsson, Steinunn Sigurðardóttir, Sölvi Björn Sigurðsson, Thor Vilhjálmsson og Vigdís Grímsdóttir.

Prentsmiðjan Oddi annaðist  umbrot og prentun 5 tölusettra gjafaeintaka. Bókin hefur nú verið prentuð í stærra upplagi og mun allur hagnaður af sölu hennar renna til tungumálamiðstöðvarinnar.

Ritstjóri: Auður Hauksdóttir.

Annar árgangur tímaritsins Milli mála er helgaður þýðingum. Í heftinu eru greinar eftir tólf fræðimenn Stofnunar Vigdísar Finnbogadóttur og kennara í Deild erlendra tungumála, bókmennta og málvísinda og í Uppeldis- og menntunarfræðideild Háskóla Íslands. Sex greinanna fjalla á einn eða annan hátt um þýðingar og auk þess eru sex greinar um annað efni. Höfundum er gefinn kostur á að skrifa á móður- eða kennslumáli sínu og að þessu sinni eru birtar greinar á íslensku, dönsku, ensku og frönsku.

Stofnun Vigdísar Finnbogadóttur í erlendum tungumálum gefur tímaritið út.

Ritstjórar: Erla Erlendsdóttir og Rebekka Þráinsdóttir.

Efni ritsins að þessu sinni einskorðast við fræðigreinar, bæði rannsóknargreinar og greinar með hagnýtari skírskotun. Alls eru í ritinu 14 greinar, þar af níu ritrýndar, á alls sjö tungumálum: íslensku, dönsku, ensku, ítölsku, rússnesku, spænsku og þýsku.

Efni greinanna spannar mörg efnissvið þó allar tengist þær tungumálum eða bókmenntum með einum eða öðrum hætti. Auk greina sem falla undir bókmenntir og málvísindi í þrengri merkingu er hér að finna greinar með sterkri sagnfræði- eða heimspekilegri tilvísun að ógleymdri umfjöllun um kennslu erlendra tungumála á háskólastigi.

Milli mála er gefið út af Stofnun Vigdisar Finnbogadóttur i erlendum tungumálum.

Ritstjórar: Magnús Sigurðsson og Rebekka Þráinsdóttir.