Dr. Shilpa  Khatri Babbar, ICCR Chair of Indian Studies/ICCR og  gestakennari í indverskum fræðum við Háskóla Íslands heldur þrjá fyrirlestra undir yfirskriftinni Indland - innsýn í samfélag og menningu.

Annar fyrirlesturinn nefnist Samfélagsleg tengsl og fjölskyldubygging og verður haldinn á Heimasvæði tungumálanna á 2. hæð í Veröld fimmtudagurinn 23. mars kl. 12-12:45. Fyrirlestrarnir verða fluttir á ensku.

Í fyrirlestrinum verður greint frá því hvernig lögð eru drög að hjónaböndum í indversku samfélagi og sagt frá hinum svokölluðu „sameinuðu“ (Joint) fjölskyldum. Einnig verður fjallað um stéttaskiptingu og stéttakerfi hindúa.

Dr. Shilpa Khatri Babbar er félagsfræðingur frá Delhi School of Economics og starfar nú við Guru Gobind Singh Indraprastha-háskólann í Nýju Delhi. Akademíska árið 2022-2023 dvelur hún á Íslandi á vegum Indian Council for Cultural Relations (ICCR) og gegnir starfi gestakennara og formanns indverskra fræða við Háskóla Íslands. Hún hefur starfað við kennslu um 25 ára skeið og það er henni sérstök ánægja að kynna indverska menningu, samfélag og heimspeki utan landsteinanna.